Tíðindi: Føroya Politi hevur fingið tryggar karmar og nútímans hentleikar at samskifta sínámillum. Á móttøku í dag handaði Føroya Tele politinum nýggju samskiftisskipanina, ið ber heitið KIMA.
Á vári 2019 vann Føroya Tele útboð hjá Ríkispolitinum um at veita Føroya Politi eina nýggja samskiftisskipan. Skipanin skuldi fylgja “Mission Critical Push-to-Talk”-trygdarkrøvum, og endaliga loysnin varð at byggja skipanina oman á landsumfatandi farnetið hjá Føroya Tele.
Skipanin, ið hevur fingið heitið KIMA, er nú til reiðar at fara í luftina. Á móttøku hósmorgunin 3. desember varð skipanin handað politinum. KIMA er smíðað til føroysk viðurskifti og hevur allar hentleikar, tá ið tørvur er á títtum, stuttum og tryggum samskifti.
KIMA er ment í samstarvi við Ericsson, og hon hevur óteljandi møguleikar. Við tíðini er málið at knýta alla tilbúgvingina saman, so at tey, ið tæna og ansa eftir okkum borgarum, kunnu geva eina enn og betri tænastu.
Á móttøkuni varð hugleitt um endamálið við KIMA, og hvussu KIMA er ílatin. Skipanin ber brá av miðvísum arbeiði og er eitt gott dømi um samstarv, ið riggar, tá ið partar við lyklastøðum finna felagsstevið og saman skapa spennandi og slóðbrótandi úrslit.
KIMA er ein slóðbrótandi skipan, sum er millum tær fyrstu í øllum heiminum.
Leinki til síðu her.
Myndir frá móttøkuni
Hetta er KIMA
