KIMA

Búmerkið

Búmerkið er evnað sum eitt skjaldur og ber ímynd av tveimum verjugarðum, har tað tó er opið inn í erva. Innanfyri verjugarðarnar er eitt lás við einum mynstri á. Lásið ímyndar, at her er talan um nakað talgilt. Eisini er altjóða heitið fyri skipanini MCPTT skrivað inni í búmerkið, soleiðis at tað er greitt, at hetta er ein Mission Critical Push-To-Talk skipan.

Navnið

Tá ið vit hoyra kirkjuklokku kima í dag, seta vit ofta hetta í samband við gudstænastu ella aðra kirkjuliga handling. Men soleiðis hevur ikki altíð verið. Fyrr í tíðini kimaði kirkjuklokkan, tá ið okkurt var áfatt og eini týdningarmikil boð skuldu út til fólkið. Fólk sleptu tí, tey stóðu við, og savnaðust saman, tá ið kirkjuklokkan kimaði. Eitt dømi er stormklokkan, sum ljóðaði, tá eldsbruni ella fíggindi var í nánd. Hóast orsøkirnar kunnu vera ymiskar og hava broytt seg gjøgnum tíðina, kima vit á sama hátt við KIMA, tá ið vit hava tørv á at savna fólk. Við hesum brúka vit eitt hugtak, sum er siðbundið, hóast skipanin er alt annað enn siðbundin.