Telefonfundur er ein skipan, ið gevur tær møguleika at ringja tel. 902210 og tosa við tveir ella fleiri persónar samstundis. Telefonfundur er ein yvirtakserað tænasta og kostar fyri hvønn minutt.
Hetta eru galdandi minuttgjøld og uppringingargjald:
Prísirnir eru uttan mvg.
Tá ið ringt verður upp á tænastuna, fær kundin eina lýsing av tænastuni. Kundin verður biðin um at sláa eitt loynital inn, sum er 6 tekn. Møgulig loynitøl vísa á ein verandi ella ein nýggjan fund.
Til hvønn telefonfund kunnu 3-10 luttakarar verða á samstundis. Fyri hvønn nýggjan luttakara verða boð givin til hinar.
Tá ið fundurin er fult teknaður, t.e. tá hægsta tal av luttakarum hevur fingið samband, verða allar nýggjar royndir at koma inn á fundin burturvístar.
Fyrsti kundin á fundinum fær støðugt at vita, at hann er einasti luttakari.
Kundar, sum ringja til telefonfundin við sama loynitali, verða knýttir at sama fundi. Somuleiðis verður boðað frá hvørja ferð, ein nýggjur luttakari verður knýttur at fundinum.
Fundurin er lokin, tá ið hornið verður lagt á. Eingi boð koma, tá ið ein luttakari fer av fundinum.
Tann luttakarin, sum er síðstur á fundinum, fær boð um, at hann er tann einasti, sum er eftir. Tá síðsti luttakarin leggur á, verður loynitalið strikað.
Telefonfundir eru settir at kunna vara í tveir tímar. Tá 10 minuttir eru eftir, verður boðað frá, at tíðin er um at verða brúkt. Áðrenn fundurin verður endaliga avbrotin, koma somuleiðis eini boð.
Ringir ein kundi á ein fund, sum er fult bókaður, fær hann boð um hetta. Er útbúnaðurin óatkomuligur, fær kundin boð, at fundurin er upptikin.
