Breiðband

Vert at vita um breiðband
Allar ferðir eru ‘upp til’. Allir prísir eru uttan møguligt linjugjald á 87,50 kr. Ferðin er treytað av kundaútgerð, staði og frástøðu til íbindingarstað. Fyri at fáa fullan ágóða av tíni ferð, er umráðandi at hava røttu útgerðina. Spar pening á tínum breiðbandshaldi við at hava eitt av fylgjandi Ver-fartelefonhaldum: 1GB, 7GB, 17GB, 27GB ella 47GB. Avslátturin fer av breiðbandshaldinum.

Viðskiftatreytir > Privatlívspolitikkur >

Hevur tú breiðband hjá øðrum veitara?
Tak skjal niður og útfyll her.

Síggj øll hald og prísir her >>

Góð ráð

Gott og støðugt breiðband

1. Beinari ER Louis Poulsen

Ok, í bókstavligari merking er beinari ikki lampa frá Louis Poulsen, men tað ber altíð til at fyrigykla sær tað. Vit skilja ómetaliga væl, at tú vilt krógva hann í skápum ella aftan fyri møblum, men tað er ikki gott hugskot.

Hví? Svarið er einfalt, tí beinari hevur sama endamál sum Louis Poulsen. At geva nakað frá sær; í hesum føri signal. Ein beinari hevur avmarkaðan dekning eins og onnur tráðleys tól, og tískil hevur tað stóran týdning, at hann stendur frammi.

Set hann tískil ovarlaga mitt í húsinum, so hann hevur fría atgongd til nærum hvørt rúm í húsinum. Er talan um stór hús, viðmæla vit, at tú ognar tær forsterkarar fyri at styrkja um internetið í øllum húsinum.

Skrulla niður á hesi síðu og síggj, hvørjar forsterkarar vit selja.

2. Beinari hevur nógvar fíggindar

Berjist tú móti svikaligum internetdekningi í húsinum? Størsti fíggindin er aloftast vanlig hvønndagsting og byggitilfar. Gev tær tískil far um, hvar beinarin stendur í mun til onnur tól, tú hevur í húsinum.

Sjónvørp, hátalarar, mikroovnar og onnur tráðleys tól skulu standa í minsta lagi ein metur frá beinaranum. Hevur tú trupult við at finna útav, hvørji tól ávirka internetið, kanst tú flyta tey eitt og eitt burtur frá beinaranum og vita, um sambandið batnar.

Byggitilfar órógvar og forðar sambandinum at treingja seg fram. Tak tískil hædd fyri, hvar beinarin stendur í mun til glas, metal, betong, aluminium og bjálving. Keyp internetforsterkarar um tú heldur, tað er neyðugt fyri upplivilsið.

Skrulla niður á hesi síðu og síggj, hvørjar forsterkarar vit selja.

3. Brúka kaðal, har tað ber til

Vit vita væl, tað er lætt at fløkjast í alt ov nógvum kaðlum, og vit skilja væl, at flest øll dáma best tráðleyst internet. Tað gera vit eisini, men tá ið samanum kemur, viðmæla vit, at tú brúkar internetkaðal, har tað ber til.

Tú kennir kanska hetta, ha? “BABBA, INTERNETIÐ RIGGAR IKKI”.

Hevur tú PlayStation-konsollur, gamingteldur, snild sjónvørp, Televarpið sum IPTV og Apple TV í húsinum, so smekka ein kaðal upp í tingið og fá húsfrið, hóskandi ferð og gott samband.

Eykaágóðin við kaðli er, at tað órógvar ikki alt hitt, tú gert á breiðbandinum.



4. Haldið er tín motorvegur

Tað slepst ikki undan, at internetið er allastaðni í dag. Talið á tólum er nógv vaksið, tí vit brúka internetið til snildfonum, á teldum, teldlum og sjónvørpum, og vit gera nærum alt á internetinum. Tað er sostatt neyðugt, at tú tekur hædd fyri breiðbandshaldinum, tú hevur.

Tað er sjálvandi ymiskt, hvat ið tænastur á internetinum, appir og annað brúkar av plássi, men hevur tú ikki nokk av plássi, kanst tú fáa svikaligt internetsamband. Set eitt roknistykki upp.

Hvat brúka tit internetið til? Hvussu nógv eru tit? Hava tit telduspælarar í húsinum? Brúka tit stroymingtænastur so sum Netflix? Gera tit fleiri av hesum tingum í senn?

Tørvar tær hjálp? Set teg so í samband við okkum á tel. 808080 ella support@ft.fo.

5. Útgerð er ikki neyðloysn

Her er eingin millumvegur. Ikki ganga upp á kompromis við útgerðina. Hevur tú gamlan beinara, er tað gott hugskot – nei, neyðugt – at skifta beinaran út við nýggjastu tøknina.

Beinarar, sum t.d. virka á 5Ghz-bandinum, eru skjótari og verða minni ávirkaðir av øðrum tólum. Alt samantikið. Fá tær ein beinara, sum stuðlar WiFi 5 ella WiFi 6 og ogna tær forsterkarar, sum betra um sambandið í húsinum.

Skrulla niður á hesi síðu og síggj, hvørjar beinarar og forsterkarar vit selja. Tørvar tær hjálp, ert tú vælkomin at ringja ella skriva til okkara á tel. 808080 og support@ft.fo.



6. Fá support út við

Tað er okkara uppgáva at tryggja, at húsarhald og fyritøkur fáa mest møguligt burturúr breiðbandshaldinum. Tí veita vit tænastu, har ið vit koma út og eftirkanna breiðbandsloysnina, um dekningur og uppsetan ikki er nøktandi, tí av og á uppliva kundar ikki nøktandi breiðbandsferð, hóast einki er galið við linjuni.



Hald

Yvirlit yvir øll breiðbandshald

Fipurbreiðband

HaldPrísur
30/5 Mbit457 kr/mðn.
60/15 Mbit477 kr/mðn.
100/100 Mbit497 kr/mðn.
300/300 Mbit537 kr/mðn.
500/500 Mbit597 kr/mðn.
1000/1000 Mbit697 kr/mðn.

Koparbreiðband

HaldPrísur
15/2 Mbit457 kr/mðn.
20/2 Mbit457 kr/mðn.
30/5 Mbit457 kr/mðn.
40/5 Mbit477 kr/mðn.
50/10 Mbit477 kr/mðn.
60/15 Mbit477 kr/mðn.
70/15 Mbit497 kr/mðn.
80/20 Mbit497 kr/mðn.
90/20 Mbit497 kr/mðn.
100/30 Mbit497 kr/mðn.

4Gfarbreiðband

HaldPrísur
1500GB547 kr/mðn.

Beinarar

Keyp rætta beinaran til røttu ferðina

Zyxel DX5401

1.699 kr.

  • Breiðbandsbeinari
  • WiFi6
  • 2.4 Ghz og 5 Ghz
  • 4 LAN-portur
  • Klárar allar internetferðir
  • VDSL/ADSL2

FRITZ!Box 7583

1.699 kr.

  • Breiðbandsbeinari
  • 2.4 Ghz og 5 Ghz
  • 4 LAN portur
  • Klárur til fipur
  • Bonding
  • VDSL min. 30 Mbit download

Forsterkarar

Internet í hvønn krók

Zyxel WX3401-B0

1 LAN-portur
2.4 Ghz og 5 Ghz

1.199 kr.

Ubiquiti UniFi AC Pro

1 LAN-portur
2.4 Ghz og 5 Ghz

1.599 kr.

TP-Link AV1300 Kit

2.4 Ghz tráðleyst
5 Ghz kaðal

1.499 kr.

Ubiquiti UniFi AC Lite

2.4 Ghz
5 Ghz

1.099 kr.

Ofta settir spurningar

Kom gott í gongd og fá svar upp á trupulleikar

Hvussu kanni eg ferðina?

Heldur tú, at ferðin á tínum breiðbandi er lægri, enn hon burdi verið, so finnast tað nógvar tænastur á internetinum, sum tú kanst gera tær dælt av. Vit viðmæla hesa. Tá tú kannar ferðina, mást tú geva tær far um, um tú ert á breiðbandinum ella á 4G LTE. Soleiðis fært tú tað mest eftirfarandi úrslitið.

  • Teldan er knýtt til beinaran við einum LAN-kaðali.
  • Tryggja tær, at tað bert er tín telda á netinum.
  • Tryggja tær, at øll forrit, ið brúka breiðband, eru sløkt.
  • Tak fleiri ferðtestir fyri at fáa eitt greitt úrslit.

Um tú vilt máta ferðina á einari fartelefon, kanst tú fara inn á speedtest.net. Tak Speedtest appina hjá Ookla niður, og máta ferðina. Forritið virkar til iOS, Android og Windows Phone. Les meir her, um hvat kann ávirka ferðina

Hví riggar internetið ikki?

Í flestum førum kanst tú loysa trupulleikan sjálv/ur, um tú brádliga varnast, at tú hevur mist internetsambandið heima við hús. Her eru nakrar tummilsreglur:

  • Er streymur til beinaran?
  • Er tráðleysa netið tendrað? Hygg, um WiFi knøtturin framman á tínum beinara lýsir grønt.
  • Er stikkið dottið út beinaranum?
  • Ert tú yvirhøvur á WiFi á tínum tóli?
  • Er kaðalin millum beinara og vegg illa farin?

Um internetið hjá tær ikki riggar, er tað altíð eitt gott hugskot at endurstarta beinaran sum tað fyrsta. Sløkk, tel upp í 20 sekund, tendra og bíða í 10 minuttir. Um hetta ikki riggar, kanst tú eisini royna at endurstarta tína teldu, tína snildfon, tín teldil ella tað tólið, sum tú skalt hava internetsamband á. Um einki av hesum riggar, kann tað vera ein feilur á linjuni. Í hesum førum sita vit klár at hjálpa tær. Ring vinaliga 808080 og trýst á 3, so fært tú fyrstafloks support í hornið ístaðinfyri.

Hví er ferðin so lág?

Í dag er internetið allastaðni. Vit brúka internetið til snildfonina, á teldli og teldum, og talið á tólum í hvørjum húsi er nógv vaksið. Vit lurta eftir tónleiki, hyggja at filmum og goyma myndir á internetinum, og tað krevur eitt álítandi og dygdargott breiðband. Gev tær fyrst og fremst far um, um tú yvirhøvur hevur rætta breiðbandshaldið til alla tína nýtslu. Um ferðin er lág, kann hetta skyldast, at tú ikki hevur rætta breiðbandshaldið til tín/tykkara tørv. Hevur tú nógva nýtslu, og húsið kanska er á tremur við fólki, sum ofta brúka internetið samstundis, er besta hugskotið at flyta upp á eitt størri hald. Eru tit fleiri, ið brúka internetið í senn, kemur hetta at ávirka ferðina, ið hvør einstakur brúkari fær. Tá tú bíleggur eitt breiðbandshald, hevur tú tvær ferðir, sum tú mást taka hædd fyri – nevniliga download og upload. Gev somuleiðis gætur, at download og upload ávirka hvørt annað. Brúkar tú alt títt upload, hevur tú minni av download. Her eru nøkur fá dømi, sum kunnu ávirka ferðina á download og upload.   Download – inngangandi ferðsla til tykkara breiðbandshald:

  • Hvør “sessión” av Netflix brúkar millum 3.4 og 4.2 Mbit. Um tit t.d hava eitt 10/1 breiðbandshald, og tit eru 4 fólk, ið sita og hyggja eftir Netflix á hvør sínum tóli samstundis, kunnu tit uppliva trupulleikar, tí har er ikki nóg nógv download til at stuðla so nógvum Netflix brúkarum í senn. Sama er galdandi um tit eru t.d 3, ið hyggja at Netflix og ein sum spælir spøl á netinum í senn.
  • Øll stroyming á internetinum tekur pláss. Her kann talan vera um alt frá Televarpsappini, Netflix, Viaplay, HBO og so framvegis.

Upload – útgangandi ferðsla frá tykkara breiðbandshaldi:

  • Back-up skipanir so sum iCloud, Skydrive og OneDrive kunnu ávirka tykkara internetsamband sera nógv, tí tey brúka upload, ið er útgangandi ferðsla frá tykkara breiðbandi.
  • Tá ið tú leggur okkurt út á Dropbox, brúkar hetta upload. Tú kanst áseta, hvussu nógv upload Dropbox skal brúka, og tú kanst eisini velja at sløkkja tað júst aftaná, tú hevur lagt tilfar út á Dropbox. Hetta ger, at breiðbandið ikki verður ávirkað ov nógv.
Hvussu kann eg betra um mítt tráðleysa net?

Beinarar, sum brúkast til tráðleysa internetið heima við hús, hava eins og onnur tráðleys tól avmarkaðan dekning. Tí er tað ikki vist, at signalið frá beinaranum røkkur allastaðni í húsinum. Gev tær tískil far um, hvar beinarin stendur í húsinum. Her eru nøkur gullkorn, hvussu tú kanst fáa sum mest burturúr tínum breiðbandi.

Hvussu fái eg mítt breiðbandshald frá øðrum veitara yvir í Ver?

Fyri at flyta títt breiðbandshald frá øðrum veitara (ikki Føroya Tele) til Ver, skalt tú fyrst útfylla eitt skjal, sum tú kanst taka niður her. Síðani skal tað skrivast út og váttast. Tað er umráðandi, at váttanin verður undirskrivað við hond av viðkomandi, sum skal standa fyri haldinum. Skjalið letur tú inn í eina Telebúð, ella tú skannar tað inn og sendir tað til ver@ver.fo og viðmerkir “breiðbandsumskifti”. Velur tú at fara í eina av okkara Telebúðum, hjálpa vit tær fegin við at fáa títt breiðband yvir til Ver. Hav í huga, at tú møguliga má keypa nýggjan beinara fyri at fáa ta ferð, tú ynskir. Hetta fært tú eisini kunna teg um í Telebúðini.

Hvat skal eg gera, um eg flyti bústað og skal hava breiðbandið við mær?

Skal breiðbandið flytast frá einum bústaði til annan, er sama mannagongd galdandi sum við stovning av nýggjum haldi. Hevur breiðband ikki verið inni í nýggja bústaðnum áður, má ein montørur út at gera eina innlegging. Hetta kann taka alt frá 1 til 3 vikur. Hevur breiðband verið inni í nýggja bústaðnum áður, og alt hevur virkað sum ætlað, verður bíðitíðin munandi stytt til umleið 2-3 yrkadagar. Nýggj breiðbandsútgerð er ikki neyðug, tá breiðbandið verður flutt til nýggjan bústað.