Hví riggar mítt Farbreiðband ikki?
Í nógvum førum kanst tú loysa trupulleikan sjálv/ur, um tú brádliga varnast, at tú einki samband hevur. Her eru nakrar tummilsreglur:
- Er streymur til Farbreiðband beinaran?
- Er tráðleysa netið tendrað? Hygg, um WiFi knøtturin framman á tínum beinara lýsir grønt.
- Ert tú yvirhøvur á WiFi á tínum tóli?
- Um internetið hjá tær ikki riggar, er tað altíð eitt gott hugskot at endurstarta beinaran sum tað fyrsta. Sløkk, tel upp í 20 sekund, tendra og bíða í 10 minuttir. Um hetta ikki riggar, kanst tú eisini royna at endurstarta tína teldu, tína snildfon, tín teldil ella tað tólið, sum tú skalt hava internetsamband á.
- Er einki data eftir á haldinum? Sum ver kundi, kanst tú rita inn á Mítt ver og fylgja við nýtsluni. Vinnukundar kunnu fylgja við nýtsluni her.
- Er vánaligur dekningur í økinum, kann tað vera at eindin kemur á 2G(EDGE), og tá má roaming tendrast á eindini.
Um einki av hesum riggar, vegleiður Supportin teg fegin víðari. Ring á 808080 og trýst á 2, og ein supportari er klárur at hjálpa.
