Bonding til Ver breiðband

Um tú ynskir at fáa eina hægri breiðbandsferð, enn linjan hjá tær megnar í løtuni, kanst tú fáa tað við at leggja tvær linjur inn í húsið. Vit kalla tænastuna fyri Bonding.

At stovna eitt breiðbandshald við Bonding krevur fyrst og fremst tvær linjur, men hartil eisini montørarbeiði bæði í einum tøknihúsi hjá Føroya Tele og heima hjá tær, og hartil krevst ein serligur beinari, sum kann brúka tvær linjur í senn.

Kostnaðurin fyri Bonding er eitt eyka linjugjald á 27,50 krónur um mánaðin, sum legst omaná kostnaðin fyri haldið og møguliga linjugjaldið á 87,50 krónur.

Fyri at fáa fullan ágóða av ferðini, er umráðandi at hava røttu útgerðina. Rætta útgerðin í hesum føri ein serligi beinari, sum eitur FritzBox 7581.

FritzBox 7581 klárar tvær linjur í senn og kostar 1.495 krónur.

 

Hevur tú spurningar ella ivamál, ert tú vælkomin at ringja til okkara á 80 80 80 og fáa meira at vita um breiðband við Bonding.