Hevur tú hesi Ver-hald (trýst her), er tað stórur fyrimunur, at tú tendrar tænastuna VerSumHeima, bæði tá ið tú fert uttanlands, og tá ið tú skalt ringja út Føroyum til útlandið. VerSumHeima kostar 100 krónur eyka um mánaðin, sama um tú hevur eitt ella upp til seks hald knýtt saman.

Hevur tú VerSumHeima+, sum knýtir seg at haldunum 30GB, 70GB og óavmarkað GB, kanst tú hvønn mánað tosa 30 tímar úr Føroyum til galdandi lond, tosa aðrar 30 tímar í og úr galdandi londum, senda í alt 1000 sms til, í og úr galdandi londum og brúka íroknað data – tó í mesta lagi 50GB – í galdandi londum.

VerSumHeima+ er galdandi í øllum Evropa og Ísrael, og harumframt er tað galdandi í fleiri øðrum londum uttan fyri Evropa.

Hevur tú VerSumHeima, sum knýtir seg at haldunum 1GB, 10GB og 20GB, kanst tú hvønn mánað tosa 20 tímar úr Føroyum til galdandi lond, tosa aðrar 20 tímar í og úr galdandi londum, senda í alt 1000 sms til, í, og úr galdandi londum og brúka íroknað data – tó í mesta lagi 30GB – í galdandi londum.

VerSumHeima er galdandi í øllum Evropa og Ísrael.

Kunna teg um lond og alt, sum er vert at vita um VerSumHeima, her.

APN-setingar eru týdningarmiklar, tá ið tú brúkar fartelefonina uttanlands. Um internetið skal rigga, krevja fleiri útlendskir televeitarar, at APN er uppsett.

Tryggja tær tískil, at APN er rætt sett upp á tíni fartelefon. Set APN upp við at skriva internet í APN-setingar á telefonini. Síggj vegleiðingar her.

Ein tummilsregla er, at um tú ikki hevur skift SIM-kort seinastu fimm árini, so er skilagott at halda eyga við, um tú hevur nýggjasta SIM-kortið, sum vit veita okkara kundum. SIM-kortið gevur tær betri uppliving, tá ið tú brúkar fartelefonina á netunum hjá útlendsku televeitarunum, sum vit hava avtalu við.

SIM-kort fæst ókeypis í Telebúðunum, og vit hjálpa tær fegin at kanna og skifta. Kanna sjálv/ur, um tú hevur nýggjasta SIM-kortið, her.

Í londum, har sum VerSumHeima ikki er galdandi, og har, sum tað ber til at reika á netinum, mást tú keypa eyka data fyri at kunna vera á netinum og hava pening á tíni Ver-kontu fyri at kunna tosa og smsa.

Fyll pening á Ver-kontuna ella keyp eyka data at brúka uttanlands við at rita inn á Mítt Ver her.

Síggj prísir og landabólkar her.

Víðkað reiking gevur atgongd og merkir heilt einfalt, at fartelefonin hjá tær virkar, tá ið tú ferðast. Tað eru tvær orsøkir til, at tú sjálv/ur skalt tendra víðkað reiking á tínum haldi.

Fyri tað fyrsta gevur víðkað reiking tær atgongd. Er víðkað reiking tendrað, sleppur tú á netið hjá øllum veitarum, sum vit hava avtalu við uttanlands.

Víðkað reiking er ikki VerSumHeima, men við víðkað reiking kanst tú ringja, smsa og brúka data treytað av, at tú hevur pening á tíni Ver-kontu, og/ella at tú hevur keypt tær eyka data at brúka á ferðini.

Fyri tað næsta gevur víðkað reiking okkum heimild. Tá ið tú tendrar víðkað reiking, gevur tú okkum rætt til at trekkja pening av tínum gjaldkorti, sum er knýtt at tíni gjaldsavtalu, um tú kemur at tosa fyri meira enn upphæddina á tíni Ver-kontu.

Verður peningur trektur av tínum gjaldkorti, verður altíð rundað upp til næsta hundrað. Restin av upphæddini verður sett inn á Ver-kontuna. Tú fært eini sms-boð, hvørja ferð vit trekkja pening av tínum gjaldkorti.

Dømi: Um tú hevur 100 krónur á tíni Ver-kontu, og tú tosar fyri 156 krónur, er tað ikki vist, at samrøðan verður avbrotin, tá tú fert framvið teimum 100 krónunum, sum hon vanliga ger. Men so skjótt vit hava skrásett nýtsluna, trekkja vit tær 100 krónurnar av tíni Ver-kontu, umframt 100 krónur av tínum gjaldkorti; harav tær 56 krónurnar fara at dekka tína nýtslu, meðan hinar 44 krónurnar verða settar á tína Ver-kontu.

Tú ritar inn á Mítt Ver og tendrar víðkað reiking. Tá ið tú hevur tendrað víðkað reiking, verða eini sms-boð send til tín við eini kunning um, at víðkað reiking er tendrað.

Rita inn á Mítt Ver her.

Fyri tað fyrsta viðmæla vit, at tú altíð sløkkir fartelefonina heilt og ikki bara setur hana á flogstøðu (flight mode), tá ið tú ferðast millum lond – eisini úr Føroyum.

Fyri tað næsta er tað eisini altíð gott hugskot at sløkkja og tendra fartelefonina sum tað fyrsta, tá ið tú hevur trupulleikar við t.d. at fáa fartelefonsamband uttanlands.

Og í so fall, at tað ikki hjálpir at sløkkja og tendra fyri at fáa samband við veitararnar, sum vit hava avtalu við, er tað hent hugskot at leita manuelt eftir veitara.

Fylg hesi vegleiðing fyri at finna útav, hvussu tú leitar manuelt eftir veitarum. Gev gætur, at tað kann taka eina løtu at fáa møguligar veitarar fram, og viðhvørt er neyðugt at velja sama veitara tvær ferðir.

Ja, set altíð +298 og ikki 00298 framman fyri telefonnummarið, tá ið tú ringir til Føroya úr útlondum.

Nei, tú kanst ikki altíð tosa í telefon og kanska vera á t.d. Google Maps samstundis.

Í nøkrum londum, har vit hava reikingaravtalur, brúka telefonveitarar ikki longur 3G. Tað merkir millum annað, at ikki ber til at reika á netinum (brúka data) og tosa í telefon samstundis.

Sostatt viðmæla vit, at tú til eina og hvørja tíð avmarkar at tosa í telefon, meðan tú reikar á netinum – t.d. á Google Maps.

Ja, tú kanst fáa eSIM hjá okkum. Les alt, sum er vert at vita um eSIM, her (trýst her)

Alt eftir hvørjum landi, tú ferðast í, er ymiskt hvør tøkni er tøk á farnetinum. Harafturat avgerð telefonin, hvørjir hentleikar eru virknir. Her (trýst her) er eitt yvirlit yvir tey mest vitjaðu londini, og hvat ættlarlið av tøkni er tøkt hjá okkara kundum.