Sum Frítíðarlógin staðfestir, hava øll starvsfólk rætt til frítíð í fimm vikur. Frítíðarárið er frá 2. mai til 1. mai.
Innvinningarárið, sum er tíðarskeiðið, ið starvsfólk vinna sær rættin til feriu, er frá 1. apríl til 31. mars. Hevur eitt starvsfólk arbeitt styttri enn fult innvinningarár, verður frítíðin ásett við støði í arbeiðstíðini. Tað vil siga, at fyri hvønn mánað, sum arbeitt verður, vinnur starvsfólki 2,5 dagar um mánaðan. Sí vegleiðing um skráseting av frítíð í høgra bredda.
Um eitt starvsfólk ikki hevur rætt til fulla frítíð við løn, og ynskir at halda frítíð, kann onnur avtala gerast. Avvarðandi leiðarar hava ábyrgd av at geva Lønarbókhaldinum skrivlig boð um, hvør avtala er gjørd í einstøkum førum.
Serstøk frívika (sáttmáladagar)
Umframt frítíð eftir frítíðarlógini, vinna starvsfólk sær eina serstaka fríviku um árið. Víst verður til avvarðandi sáttmála ella setanaravtalu, har nærri er greitt frá um innvinningartíðarskeiðið og viðkomandi viðurskifti hesum viðvíkjandi.
Serstakir frídagar eftir sáttmála hjá Starvsfelagnum
Halgidagar eru
