Hevur tú hug at koma í skrivstovulæru?
Dámar tær at samskifta við fólk og veita góða tænastu – bæði á telefon og á skrift? So er læruplássið á Kundatænastuni hjá Føroya Tele møguliga júst nakað fyri teg. Her fært tú eitt spennandi lærupláss í einari framkomnari fyritøku, har lærutíðin er merkt av fjølbroyttum og mennandi uppgávum.
Um starvið
Sum skrivstovulærlingur á Kundatænastuni fært tú ein fjølbroyttan og læruríkan gerandisdag við nógvum kundasamskifti, fyrisiting og ráðgeving. Tú verður partur av einum toymi, har samstarv og trivnaður eru í hásæti. Lærutíðin skiftir ímillum arbeiði á Kundatænastuni og skúlagongd á Glasi.
Lærutíð
Lærutíðin er treytað av tí útbúgving, tú hevur frammanundan, og er:
- 2 ár við HH-prógvi
- 2 ½ ár við HF-, HIF-, HTX- ella studentsprógvi
- 3 ár við FHS-prógvi
Tín vanga mynd
Vit vænta, at tú:
- Ert blíð/ur, fyrikomandi og nærlagdur/nærløgd
- Dugir væl at samskifta – bæði munnliga og skrivliga
- Hevur hug at læra og mennast innan kundatænastu
Vit bjóða tær:
- Eitt mennandi og trygt læruumhvørvi við góðum arbeiðsfeløgum
- Eitt fjølbroytt arbeiði við nógvum kundasamskifti og fyrisiting
- Góða innleiðslu og vegleiðing alla lærutíðina
Starvs- og lønarviðurskifti
Arbeiðsstaðurin er á Kundatænastuni í Klingruni, høvuðssæti okkara í Hoyvík. Løn og setanarviðurskifti eru sambært sáttmála millum Føroya Arbeiðsgevarafelag og Starvsfelagið, galdandi fyri Føroya Tele.
Umsókn og freist
Ljóðar hetta sum læruplássið fyri teg, gleða vit okkum at fáa tína umsókn við lívsrensli og viðkomandi skjølum í seinasta lagi sunnudagin 10. august 2025. Læruplássið verður sett eftir nærri avtalu
Søk starvið her.
SAMBAND
Vilt tú vita meira um starvið, ert tú
vælkomin at ringja ella skriva til okkara
