Tú kanst tendra og sløkkja fyri breiðbandinum á øllum teimum eindum, sum eru at finna á tínum beinara (Wi-fi/LAN kaðal), og tú kanst tendra og sløkkja fyri farnetinum (4G) á øllum fartelefonhaldunum, sum eru knýtt saman og skrásett á tíni Ver-kontu.
Skíggjafrí er ein ókeypis tænasta til allar Ver-kundar, ið hava hug at gera nyttu av tænastuni.
Fyri at fáa fullan ágóða av tænastuni Skíggjafrí á appini Mítt Ver krevst:
Tá ið tú brúkar Skíggjafrí, so koma ymisk ávaringatekn til sjóndar. Her er eitt frágreiðing um hvørt einstakt tekn:
merkir, at tú ikki ert ritaður inn á Mítt Ver-appina á eindini, sum hevur telefonnummarið. Tak appina niður á telefonina, ið eigur telefonnummarið og rita inn.
merkir, at tú ikki ert innritaður á Mítt Ver-appini, meðan tú hevur samband við Wi-Fi heima.
merkir, at eigarin av haldinum brúkar eina iPhone, ið tíverri ikki riggar á Skíggjafrí í løtuni, og tískil ber tað ikki til at sløkkja og tendra fyri farnetinum (4G). Hetta skyldast einum feili í tólbúnaðinum hjá Apple og hevur einki við Føroya Tele at gera. merkir, at eigarin av haldinum brúkar eina iPhone, ið tíverri ikki riggar á Skíggjafrí í løtuni, og tískil ber tað ikki til at sløkkja og tendra fyri farnetinum (4G) – sí omanfyri. Harumframt merkir teknið, at tú ikki ert innritaður á appini, meðan tú hevur samband við títt breiðband, ella at tú hevur breiðband frá tínum arbeiðsgevara og líknandi.Fyri at kunna tendra og sløkkja fyri haldum á tíni Ver-kontu, mást tú taka Mítt Ver-appina niður á hvørja einstaka telefon og rita inn við telefonnummarinum, sum er á hesi telefon. Soleiðis gert tú:
Fyri at kunna tendra og sløkkja fyri eindum á breiðbandinum við tænastuni Skíggjafrí á Mítt Ver-appini er neyðugt, at tú hevur ein beinara av merkinum Zyxel VMG8825 frá Føroya Tele.
Ja, tað kanst tú gott, so leingi sum breiðbandið er skrásett á tíni Ver-kontu, og so leingi sum at tú hevur eitt breiðbandshald frá Føroya Tele/Ver. Gev gætur, at hevur tú eitt breiðbandshald, ið tín arbeiðsgevari rindar fyri, so ber tað ikki til.
Nei, Skíggjafrí ávirkar ikki ferðina á netinum, uttan so at tú sløkkir fyri farnetinum (4G LTE) og breiðbandinum. Tá hava eindirnar einki samband við internetið.
Tað kann henda, at eindirnar/haldini ikki eru sjónlig á Skíggjafrí, fyrrenn tú hevur verið á netinum við eindini. Tí viðmæla vit, at tú fert á netið á øllum eindunum fyri at tryggja, at Skíggjafrí hevur skrásett eindirnar.
Tað kann eisini vera, um tú t.d. hevur eina virkna switch við egnari IP-adressu. So kunnu eindirnar á hesi switch ikki síggjast. Tískil viðmæla vit, at tú setur eindirnar beinleiðis í beinaran ella koblar tær til tráðleysa netið (Wi-Fi).
Tað er umráðandi, at tú sløkkir og tendrar allar tráðleysar forsterkarar, so sum AirTies, TP-Link, Google Wi-Fi og Uniquiti UniFi, áðrenn tú skiftir beinaran út. Um hetta ikki verður gjørt, kanst tú uppliva óstøðugt samband.
Ein eind er ein fartelefon, eitt telda, eitt sjónvarpstól ella ein PlayStation. Í breiðum týdningi er ein eind øll tey tól, sum kunnu logga á internetið.
Loyniorðið til umsiting av beinaranum kann broytast fyrstu ferð man ritar seg inn. Loyniorðið skal brúkast til at umsita beinaran og má tí goymast.
Fær tú ikki møguleika at broyta loyniorðið, tá ið tú ritar inn, skalt tú trýsta á Menu ovast til vinstur
Vel Maintenance –> User Account
Trýst á Modify
Fyll út sum víst niðanfyri og trýst á OK
Um nógvar eindir eita “unknown”, kann hetta standa av at útgerð sum er aftanfyri Zyxel so sum Aceespoint, powerline, switch o.a., má henda útgerð verða sløktir og tendraðir aftur.
