Apple umvæling

Vit eru góðkent Apple-verkstað, og soleiðis tryggja vit, at øll umvæling verður gjørd til fulnar og undir skipaðum umstøðum. Kunna teg um prísirnar, ið tað kostar tær at umvæla títt Apple tól hjá okkum, við at velja eina vøru niðanfyri.

Er óhappið úti, er tað í Telebúðina, at tú skalt fara við tólinum. Vit hava Telebúðir í Havn, Hoyvík, Klaksvík, Saltangará, á Tvøroyri og flogvøllinum. Har staðfesta vit trupulleikan við at seta tólið til eina skipan, sum kannar ritbúnaðin. Er talan um sjónlig brek, so sum skíggjabrot ella eitthvørt brek á tólbúnaðinum, er ikki neyðugt at seta tólið til eina skipan.

Sama um talan er um rit- ella tólbúnað, so er mannagongdin tann sama. Tá ein tænastu- og/ella kostnaðarmeting er gjørd, verður tólið avhendað av kunda til umvæling hjá Føroya Tele. Umvælingartíðin er ymisk alt eftir, hvat brekið er. Alt hetta fært tú nærri kunning um í Telebúðini, tá tú kemur inn við tólinum.

Avtala tíð
Tað ber eisini til at gera avtalu við verkstaðið viðvíkjandi skermskift, battarískift og aðrar umvælingar. Hetta er treytað av, at tólið verður innlatið í Telebúðini í Hoyvík. Síðani kunnu vit avtala eina tíð, har tú kemur inn við tólinum og fært tólið aftur sama dag. Tú kann gera avtalu við at ringja 303030 ella senda mail til appleservice@ft.fo.

Hvat skal eg gera, áðrenn eg lati tólið inn?
Áðrenn tólið verður latið inn, hevur tú sum kundi ábyrgd av at taka avrit av data; so sum myndir, skjøl o.a. Síðani skalt tú sløkkja funkuna “Find min (Enhed)”. Sí vegleiðing her.

Syrg fyri at hava keypskvittan við, um tólið er eldri enn eitt ár, og at tú heldur, at brekið á tólinum ikki er íkomið orsakað av fysiskum skaða; so sum stoyti, vætuskaða o.a.

Far til keypskurv

Leita