Ert tú okkara nýggi handilslærlingur?

Vit leita eftir einum røskum handilslærlingi, ið dugir væl at taka sær av kundanum og er forvitin at læra og selja ta nýggjastu tøknina á marknaðinum. Vilt tú sleppa á liðið, sum hevur ábyrgdina fyri handlunum í høvuðsstaðnum og á flogvøllinum? So er hetta læruplássið júst til tín.

Føroya Tele er ein framsøkin fyritøka, og hetta kemur eisini at seta sín dám á tína lærutíð. Tú mennir teg bæði fakliga og persónliga, men fyrst og fremst skalt tú altíð seta kundan í miðdepilin, tá ið tú gevur ráð, selur vørur og tænastur og setur tøkni upp fyri kundan. Vit vænta, at tú:

  • Dugir væl at samskifta við kundar og starvsfelagar
  • Ert íðin og vilt veita eina góða kundatænastu
  • Setur tær fyri at náa ásettum málum
  • Ert forvitin í nýggjari tøkni
  • Ynskir at læra og fáa royndir innan sølu, tøkni og KT-skipanum
  • Raðfestir gott samstarv
  • Hevur lokið FHS-, HH-, HIF-, HF- ella studentsprógv

Í lærutíðini kemur tú at arbeiða í handlunum í høvuðsstaðnum og á flogvøllinum, umframt at tú tekur skúlaskeið á Glasi. Lærutíðin er treytað av miðnámsútbúgvingini og er:

  • 2 ár við HH-prógvi
  • 2 ½ ár við HF-, HIF-, HTX- ella studentsprógvi
  • 3 ár við FHS-prógvi

Løn er sambært sáttmála millum Føroya Arbeiðsgevarafelag og Starvsmannafelagið galdandi fyri Føroya Tele, og læruplássið verður sett eftir nærri avtalu. Freistin at søkja læruplássið er mánadagin 13. apríl 2020, og tú søkir starvið her.

Ynskir tú at tosa við okkum um læruplássið, ert tú vælkomin at ringja ella skriva til Búgva Hentze Thomsen, bólkaleiðara, á tel. 243415 ella bht@ft.fo. Tú ert eisini vælkomin at seta teg í samband við Starvsfólkadeildina á tel. 243006 ella sfd@ft.fo.

Vit gleða okkum at frætta frá tær.