Vælkomin til Support síðuna hjá Føroya Tele. Vit svara á 808080 (trýst 3) gerandisdagar frá 08:00 til 18:00, ella umvegis teldupost á support@ft.fo. Vit vegleiða teg fegin.

 

Hevur tú trupulleikar ella spurningar, hava vit vegleiðingar og góð ráð á leinkjunum niðanfyri. 




Tá ið tú brúkar breiðbandið til at t.d lesa post á netinum, hyggja eftir filmum ella til at sita á Facebook, brúkar tú av tínum samlaða breiðbandshaldi. Eru tit fleiri, ið brúka tað í senn, kemur hetta at ávirka ferðina, ið hvør einstakur brúkari fær. Um tit t.d hava eitt 10/1 hald og tit eru 4 fólk, ið sita og hyggja eftir Netflix á hvør sínari eind, kunnu tit uppliva trupulleikar, tí har er ikki nóg nógv bandbreidd til at stuðla so nógvum Netflix brúkarum í senn. Sama er galdandi um tit eru t.d 3, ið hyggja at Netflix og ein sum spælir spøl á netinum.  

Visti tú at: 

  • Hvør "sessión" av Netflix brúkar millum 3,4 og 4.2 Mbit. 
  • Tann tráðleysa signal styrkin hevur nærum alt at siga, tá ið tað kemur til at fáa høga ferð gjøgnum tað tráðleysa netið.
  • Kanalin, sum beinarin hjá tær sendir tráðleyst signal út á, kann verða órógva av beinarum í grannalagnum, og av tí sama verður tykkara tráðleysa samband óstøðugt.
  • Back-up skipanir so sum iCloud, Skydrive og OneDrive kunnu ávirka tykkara internet samband sera nógv, tí at tey brúka upload, ið er útgangandi ferðsla frá tykkara breiðbandi.
  • El-tól kunnu órógva tykkara tráðleysa samband .
  • Um tit spæla spøl á netinum og brúka tráðleyst, kunnu tit uppliva óstøðugt samband, tí tað tráðleysa signali kann verða órógva.
  • Anti-virus skipanir og onnur líknandi forrit kunnu ávirka ferðina á tykkara breiðbandi.
  • Hola og aðrar VPN tænastur kunnu ávirka ferðina á tykkara breiðbandi sera nógv. Les meira her
  • Um tit hava eina Powerline skipan, hevur góðskan á el-innleggingini ávirkan á ferðina, ið tykkara útgerð kann bera víðari.

Hevur tú trupulleikar við internetinum?


Hesar vegleiðingar hava fokus á høvuðsbeinaran hjá okkum, Technicolor, men vegleiðingarnar kunnu til eitt vist eisini brúkast til aðrar beinarar. Her eru nøkur góð ráð til hvussu tit fáa betra um breiðband tykkara.

 


 

Hevur tú framvegis spurningar um beinaran ella internetið hjá tær, kanst tú seta teg í samband við okkum á 808080.